Marketierët parashikojnë se do të përdorin më shumë kontent të natyrave dhe formateve të ndryshme në vitin 2020, sipas studimit më të fundit të World Media Group. Afro 80% e profesionistëve të marketingut, të anketuar në tetor 2019, thanë se presin që fushatat e drejtuara në bazë të kontentit të rriten përgjatë 2 viteve të ardhshme. 19% e profesionistëve të anketuar u shprehën se presin stabilizim, ndërsa vetëm 2% e ekspertëve të marketingut, thanë se do të ketë rënie.
9 në 10 të anketuar thanë se kishin planifikuar kontentin audio/ podcasts në vitin 2020 dhe një përqindje e ngjashme u shpreh se do të përdorë teknologjinë si realitet i shtuar te kontenti i zërit. Kjo do të thotë se marketierët po eksperimentojnë përtej formateve tradicionale të mediave sociale me postime dhe kontet të edituar në stile të ndryshme.
Në një kohë që marketingu i kontentit po evoluon gjithnjë e më shumë larg të qënurit thjesht një mjet për gjenerimin e lead-ëve, një strategji gjithpërfshirëse po bëhet çelsi i brand-eve, për t’i lidhur më fort me audiencën e tyre – e cila mund të përfshijë fletë të bardha, podcasts, webinars – por gjithashtu edhe harta shpërndarëse në kanale të ndryshme, duke “joshur” audiencat në çdo etapë të “rrugëtimit” online.
Markat po kërkojnë të vendosin veten në një pozitë të besueshme si ekspertë, në mënyrë që t’ju japin klientëve të tyre motive për t’u rikthyer sërish në uebsajt-et e tyre. Kjo ju lejon markave të kthejnë më shumë klientët në lead-e. Një strategji e fortë e marketingut të udhëhequr nga kontenti përfshin krijimin e përmbajtjes, por njëkohësisht edhe një plan për shpërndarjen në shumë kanale.
Shumë drejtues pajtohen që është një strategji e rëndësishme për të investuar. Sipas një raporti të gushtit të 2019 nga The CMO Club, 86% e drejtuesve të departamentit të marketingut shprehen se marketingu i kontentit është sektori më i rëndësishëm për të investuar “paratë e marketingut”.
Nga një perspektivë më e përmbledhur, afro 50% e ekspertëve të marketingut në Shtetet e Bashkuara të Amerikës thanë se po planifikojnë rritjen e investimit në marketingun e kontentit, në një studim nga Borrell Associates në periudhën prill-korrik 2019. Megjithatë, një pjesë e konsiderueshme e tyre thanë se do të rrisnin shpenzimet e reklamave tradicionale si videot dixhitale, mediat sociale dhe fushat kërkimore.
“Kontenti, kur prodhohet në mënyrë të rregullt dhe strategjike, mund të jetë shtylla kurrizore e një plani marketingu dhe reklamimi” tha Jillian Ryan, analist kryesor në eMarketer. “Duhet të krijohet për audiencë specifike dhe të shpërndahet në të gjitha kanalet më të rëndësishme, për të targetuar audiencën e dëshiruar. Brand-et kanë filluar ta kuptojnë se strategjitë e marketingut të drejtuara nga kontenti mund të informojnë dhe furnizojnë me karburant pjesën më të madhe të marketingut të tyre, apo iniciativave të ndryshme” theksoi më tej Ryan.
Burimi: eMarketer
