Pse mikro-influencerat janë më efektivë se njerëzit e famshëm, për promovimin e brand-it tuaj?

Mikro-influencerat janë njerëz me më pak se 1 milionë ndjekës online, të cilët, në fakt, mund të jenë influencuesit e vërtetë për të rritur popullaritetin e brandit, produkteve apo shërbimeve tuaja. Marketingu i influencerave nuk është një gjë e re, pasi në të vërtetë është përdorur si një strategji efektive që në 1700, kur brande si Wedgewood chinaware përdorën miratimet mbretërore si një formë marketingu.

Më vonë, në fillim të viteve 1900, cigaret “Kodas” përfshinë foto të njerëzve të famshëm në paketimin e tyre për koleksionistët dhe brenda paketave, kishin karta të lojtarëve të famshëm të bejsbollit në Amerikë. Kohëve të fundit, mediat sociale e kanë ngritur në mënyrë drastike lojën moderne të marketingut të influencerave, duke përdorur mikro-influencerat, duke qenë se konkurrenca e tregut dhe kostot e larta e bën të papërballueshme për bizneset e vogla dhe të mesme, përfshirjen e njerëzve të famshëm.

Megjithatë, ky ndryshim ka nxitur marketierët të ndërmarrin një qasje të re, duke përdorur “njerëzit mesatar”, të cilët kanë ndërtuar diçka “mbi mesataren”, në fushat të ndryshme të biznesit dhe në zhanret e sipërmarrjes. Mirëpo, qasja e re me futjen e mikro-influencerave, ka në fakt avantazhet e veta dhe benefite në fushatat mikro-influencuese. Sidomos aftësia për të krijuar promocionet e një brandi, të cilat janë më frekuente dhe të përballueshme, se sa ato që do të bënin njerëzit me shumë influencë. Njerëzit e famshëm do të kërkonin të paguheshin më shumë dhe do të postonin më rrallë, e kjo do ta bënte të papërballueshme për kompanitë startup, apo bizneset e vogla dhe të mesme.

Mikro-influencerat mund të jenë në youTube, mediat sociale, mund të jenë blogera, etj. Sidoqoftë, në fund të fundit, a janë këta ndjekës të besueshëm, besnikë dhe të angazhueshëm? Për të përcaktuar nivelin e angazhimeve, Marketly bëri një studim në 2016 që krahasonte angazhimin e ndjekësve me madhësinë e influencerit, duke krahasuar influencerat e mëdhenj kundrejt mikro-influencerave.

Studimi gjeti se mikro-influencerat që kanë nga 10 mijë deri në 1 milionë ndjekës ishin më të suksesshëm në angazhimin e audiencës së tyre, ku shfaqej se shkalla e like-ve për postim ishte 2.37%, krahasuar me atë të influencerave të mëdhenj, që ishte 1.66%, të cilët në fakt kishin më shumë se 1 milionë ndjekës në profilin e tyre. Kjo pasi konsumatorët preferojnë rekomandime origjinale nga një i afërm, i njohur, mik apo familjar, ndaj mikro-influencerat janë ata që mund të kenë audiencë të vogël, por besnike.

Pse duhet t’i besoni mikro-influencerave?

Së pari, mikro-influencerat kanë kontakt direkt dhe personal me audiencën që kanë. Në fakt, mikro-influencerat kanë një njohje të mirë të ndjekësve të tyre dhe se si ata janë, duke qenë se mikro-influencerat jo vetëm që e kuptojnë audiencën e tyre por edhe e respektojnë atë. Mikro-influencerat ofrojnë ide, produkte dhe shërbime të cilat janë në dijeni se janë interesante dhe lidhen me ndjekësit e tyre apo fansat. Ndër të tjera, mikro-influencerat e shohin rolin e tyre si një person të përgjegjshëm për të vijuar me shpërndarjen e lajmeve, ideve, opinioneve për ndjekësit e tyre dhe kjo strategji funksionon. Sipas Forrester, më shumë se 92% e klientëve i besojnë mikro-influencerave më shumë se të famshmëve tradicionalë apo reklamave me to.

Ndër të tjera, mund të jetë e vështirë për influencerat e famshëm që të jenë të besueshëm te klientët për një produkt apo shërbim që ata promovojnë. Për shembull, e imagjinoni dot Selena Gomez (e cila u rankua si një nga të famshmit më influencues për vitin 2016) në një reklamë për larës enësh? Do të binim dakord se një celebrity si Selena Gomes nuk i lan vetë enët. Në këtë rast, superstarin në fjalë dhe produktin i ndan një botë e madhe nga njëri-tjetri, apo nga produktet dhe shërbimet që një i famshëm përdor në përditshmërinë e tij.

Për më tepër, për pjesën më të madhe të fushatave të suksesshme të marketingut online, kërkohet më shumë se një person për të pasur impakt në shitje. Eksperti i reklamave në mediat sociale, Barry Feldman është i mendimit se promovimi i brand-it në kanale të ndryshme nga influencerë të ndryshëm është më efektiv, pasi mikro-influencerat janë më pak të kushtueshëm, e cila e ndihmon brandin të ketë një fushatë afatgjatë për penetrimin e tregut dhe impaktin e matshëm.

Si dhe ku mund të gjeni mikro-influencer?

Edhe pse ka shumë mikro-influencera në mediat sociale, të gjesh ata të duhurit për brandin tuaj mund të jetë e vështirë. Një mënyrë është të kërkoni për mikro-influencerat ideal nëpërmjet kërkimit të ndjekësve tuaj në Instagram apo në LinkedIn, për të parë nëse ka ndonjë të tillë që është tashmë klient i juaji. Një tjetër metodë për të gjetur mikro-influencera, e cila kursen shumë kohë, bëhet duke paguar për database influencerash, për të pasur akses në emailin dhe informacionin e kontaktit të mikro-influencerave të ndryshëm, në industri dhe fusha të ndryshme.

  1. Gjeni influencuesin ideal

Për shembull, jeni duke shitur softuerin “easy to use CRM” (Costumer Relationship Management) dhe ju kontaktoni një person nga YouTube me gjysëm milionë ndjekës, demografia e ndjekësve të së cilit është nga 16-25 vjeç – a mendoni se kjo lloj audience është ideale për çka ju doni të shisni?

Edhe me ndihmën e influencerave, videot në YouTube, apo boost-et në Facebook, të cilat do të sjellin shumë shikueshmëri, ROI juaj do të jetë shumë më i ulët se në rastin që influencuesi juaj do të ishte një planifikues i burimeve sipërmarrëve, duke shpjeguar dhe duke dhënë këshilla se si duhen përdorur asetet e “buy CRM”.

2. Fokusohuni te angazhimet

Sigurohuni që të lidheni me një mikro-influencer i cili ka krijuar një nivel të caktuar të angazhimeve të ndjekësve. E vërteta qëndron këtu – se vetëm angazhimi i ndjekësve sjell rritje të gjenerimit të lead-eve. Fokusohuni gjithmonë te angazhimet fillimisht. Kontrolloni metrikët e angazhimeve, si like-t komentet, retweet-set, repins-et, pyetjet, ashtu sikurse metrikë të tjerë, të cilët janë elementi kyç për të treguar indeksin e performancës së një mikro-influencuesi.

Mbani mend, shumica e influencerave nuk kanë atë lloj angazhimi nga ndjekësit që kanë mikro-influencerat. Është më e thjeshtë të angazhosh 1.000 ndjekës, krahasuar me me 50.000, në të njejtat rrethana” Heidi Yu, CEO dhe themelues i Boostinsider.

4. “Përdorni një ushtri”

Për të maksimizuar rezultatin, gjeni mikro-influencer të ngjashëm që mund të promovojnë brandin tuaj. Ju mund të vendosni të filloni një fushatë me një influencer të caktuar, por mos e mbani për shumë gjatë. Krijoni një ushtri mikro-influencerash të cilët mund të komunikojnë qartë, t’i thjeshtëzojnë mesazhet, dhe të kenë ndikimin që ju nevojitet. Mos mendoni se të gjitha shqetësimet tuaja në momentin që ju krijoni një marrëdhënie me një mikro-influencer të vetëm që ka 1 milionë ndjekës, pasi një audiencë e madhe nuk do të thotë domosdo angazhime të mëdha për të prenotuar apo blerë një produkt ose shërbim.

4. Gjeni një urë lidhëse midis mikro-influencerave

Sipas studimeve, mikro-influencerat kanë tendencën të mbështesin njëri- tjetrin duke lënë komente në përmbajtjet dhe postimet e njëri-tjetrit. Të aprovohesh nga influencera të shumtë është një shenjë dhe provë që demostron respektin dhe vlerësimin për brandin, në momentin që klienti ideal do të shohë komente nga dy ose më shumë ekspertë që promovojnë ofertat tuaja në treg.

5. Dërgoni një email javor

Për rezultate më të mira, duhet t’ja nisni nga ato që keni, aty ku jeni! Dërgoni nga një email javor inspirues për mikro-influencerat, i cili i “rikujton” të plotësojnë atë që kanë nisur. Me fjalë të tjera, mos dërgoni emaile me strategji marketingu. Thjesht jepini mikro-influencerave disa ide se si të shtyjnë edhe më shumë dhe të presin për më shumë mundësi për të rritur strategjitë e marketingut, në plane afatgjata.

6. Tregoni dashuri

Hendeku i emaileve promovuese është jo interesant dhe i njëjtë. Në të kundërt, ju duhet t’i tregoni mikro-influencerave se ju jeni të interesuar për vlerën e kohës së tyre. Anashkalojini të tjerat dhe tregojuni atyre dashuri. Mikro-influencerat, ashtu sikurse konsumatorët tuaj besnikë, nuk duan të ndihen sikur janë thjesht një tjetër target në mesazhet dhe emailet tuaja, ndaj provojuni të kundërtën, duke i bërë ata të ndihen pjesë e familjes së madhe të brandit.

Mos u shqetësoni nëse shumica e mikro-influencerave nuk do t’ju përgjigjen emaileve tuaja, apo nuk interesohen për brandin. Mbani mend, ka pafund mikro-influencera në treg dhe për industrinë tuaj, kështu që me kohën, do të gjeni ushtrinë e mikro-influencerave që do të lobojnë për brandin tuaj.

E fundit, por jo për nga rëndësia – mos ju referoni kurrë asnjë influenceri si “influencer” apo “mikro-influencer” në emailin tuaj. Sigurohuni që emailet tuaja të tingëllojnë të përzemërta. Respektojini ata dhe ju do të gjeni mikro-influencerat e duhur që do të jenë të gatshëm dhe të devotshëm, për të bashkëpunuar me ju!

Adaptuar nga customerthink.com

December 6, 2019

Bazuar në trendet e marketingut dixhital për vitin 2020, ja 6 pika se si mund të përmirësoni marketingun tuaj në muajt në vazhdim:

April 8, 2020

Të tilla kohëra shërbejnë për të na rikujtuar se gjithçka mund të ndryshojë me një kërcitje gishtash.

April 7, 2020

Reklamat native po dominojnë faqet e para të mediave online dhe titujt kryesorë në uebsajt-et e besueshme dhe serioze. Pse?

April 6, 2020

Situatat e jashtëzakonshme, ose le ta themi ndryshe krizat, janë një mundësi fantastike për të bërë një hap pas e për të monitoruar me vëmendje sjellje të ndryshme njerëzore, profesionale, sociale, politike, kulturore, etj.

April 3, 2020

Të gjithë i kemi sytë e kthyer nga lajmet dhe njoftimet më të fundit në lidhje me shpërthimin e pandemisë së koronavirusit.

April 1, 2020

Marketierët e gjejnë veten të mbingarkuar e të mbingopur me sasinë e platformave sociale, botuesit e përmbajtjeve dhe opsionet për të zgjedhur, saqë shpesh bëhen e vështirë.

March 30, 2020

Edhe pse viteve të fundit, trendi i “suksesit” të reklamave native është rritës, ajo që duhet të dini është se në fakt, ato e kanë zanafillën dekada më parë.

March 25, 2020

Deri tani të gjithë janë të vetëdijshëm mbi situatën, mbi rëndësinë e ruajtjes së distancës dhe larjes së duarve dhe ne do t’jua lëmë në dorë ekspertëve të shëndetit këto çështje kritike.

March 24, 2020

Me 86% të klientëve të gatshëm për të paguar ekstra për të kaluar një eksperiencë cilësore (si klient), bizneset sot po përballen me një zgjedhje.

March 23, 2020

Gama e gjerë e ndjekësve dhe “followers-at” aktivë janë arma më e fortë e strategjisë suaj të marketingut dixhital. Mediat sociale janë “mbingarkuar” nga përdorues dhe kontent të gjeneruar po nga përdoruesit.

March 19, 2020

Përveç adoptimit të softuerit të “easy to use CRM”, a jeni në dijeni të vështirësive që kalon ekipi juaj i shitjeve?