Një guidë për fillestarët – Cilët janë aktorët kryesorë të reklamave native? (Pjesa 2)

Marketierët e gjejnë veten të mbingarkuar e të mbingopur me sasinë e platformave sociale, botuesit e përmbajtjeve dhe opsionet për të zgjedhur, saqë shpesh bëhen e vështirë. Ndaj, nëpërmjet këtij artikulli do t’ju ndihmojmë të “sintetizoni” të gjitha opsionet e zgjedhjes, duke i kanalizuar vendimet tuaja vetëm në drejtimet që do të jenë efektive.
Le t’i hedhim një vështrim të thjeshtë por gjithëpërfshirës lojtarëve kryesorë të reklamave native:

Këndi i Ofertës
Duhet të filloni me ato kanale që kanë “mallra”, lidhur me atë audiencë që ju po kërkoni. Këtu përfshihen:
Botuesit e mediave tradicionale: Këtu futen mediat më të njohura të tregut, ato “të lashtat”, e më me emër. Shpesh, ato kërkojnë brande që po kërkojnë të futen në një tregu të gjerë.

Këtu futen media që nuk operojnë në treg prej shumë vitesh dhe janë më të predispozuara të bashkëpunojnë me brand-e të vogla që kërkojnë të kapin një audiencë “niche”.
Qëllimi i të dyjave është i përbashkët – të monetizojnë sajt-et e tyre me kontent të brand-eve, për të rritur të ardhurat dhe angazhimet. Kujt i shesin konkretisht? Këtu futet në lojë këndi i kërkesës.

Këndi i Kërkesës
Nëse je një marketier dixhital, ky është seksioni juaj, për shkak se jeni ju ata të interesuarit për të kapur dhe rritur audiencën.
Ju jeni duke operuar mes:
Agjencive të reklamave, të cilat ndihmojnë brand-et e vogla e të mëdha të ekzekutojnë procesin e tyre të reklamave pa pasur nevojë të krijojnë një “shtëpi” të veten reklamash.
Reklamuesit e brand-eve të bizneseve të mëdha dhe korporatave, të cilat përdorin reklamat native për të kapur audiencën më të madhe të mundshme, si dhe për të gjeneruar popullaritet.
Agjentët e marketingut dhe performancës të bizneseve dhe “start-up”-eve, të cilët dëshirojnë të rrisin kompanitë e tyre dhe të shesin produkte përmes reklamave native.
E gjetët këndin tuaj? Tani mund “të hidheni” në grupin përfundimtar.
Platformat teknologjike
Këto janë palë të treta që bëjnë së bashku aktorët e kërkesës me aktorët e ofertës.

Këtu përfshihen:
Platformat e zbulimit të përmbajtjes, si Boost, të cilat i mundësojnë reklamuesve akses në qindra uebsajt-e, duke ofruar kontent në audienca të targetuara.
Platformat e mediave sociale, si Facebook, LinkedIn, Twitter, Instagram, të cilat ofrojnë mundësi reklamimi botuesve, agjencive apo brand-eve, nëpërmjet postimeve in-feed.
Motorrët e kërkimit, si Google, Yahoo! apo Bing, të cilat ofrojnë përmbajtje për ata që kërkojnë, në rezultatet e tyre të kërkimit. Ato ndihmojnë botuesit dhe reklamuesit të hedhin reklama dhe të kapin audiencën.
Tani që keni një pasqyrë të aktorëve, mund të kaloni lehtësisht në hapat e rradhës – të krijoni operacionin tuaj të reklamave native dhe të zgjeroni strategjinë tuaj të marketingut dixhital.

Si mund të krijoni reklama native në ditët e sotshme?
Është gjithmonë e vështirë të futeni në rrjedhën e reklamave native pa një strategji të mirë. Por, lajmi i mirë është se ju mund të nisni një fushatë të reklamave native në mënyrë të thjeshtë – e pa u detyruar të boshatisni llogarinë tuaj bankare apo portofolin. Hapat janë këto:
Përcaktimi i audiencës suaj të targetimit. Shumica e platformave ju lejojnë të targetoni sipas vendndodhjes, pajisjes, moshës, gjinisë dhe interesit. Por, sigurohuni që të gërmoni më thellë në rezultatet tuaja për opsione më specifike, në bazë të interesit.

Alokimi i shpenzimeve tuaja. Përdorni koston tuaj të targetit për klikim (CPC) për të matur buxhetin tuaj fillestar të fushatës. Ndërsa mund të filloni të gjeneroni një trafik të konsiderueshëm dhe për vetëm 50-100 dollarë në ditë, CPC më të larta ju lejojnë të krijoni një rrjet edhe më të gjerë. Duke nisur kështu, ju mund të mësoni për audiencën tuaj dhe të optimizoni opsionet e CPC-së, për të arritur një audiencë më të angazhuar.

Përdorni metodat e duhura. Nëse jeni duke zhvilluar një fushatë reklamash native në open web, platforma si Boost do t’ju ndihmojnë të keni akses në qindra botues dhe uebsajt-e. Në rrjetet sociale, ju mund të krijoni platforma të integruara reklamimi, pjesë platformave kryesore. Ndërsa për motorrët e kërkimit, ju mund të përdorni Google Adwords për shembull, për shërbimin e reklamave, apo shërbime të palëve të treta si WordStream apo AdStage.

Në momentin që do të ndiqni këtë guidë, ju do të keni një model të përshkallëzuar dhe të sigurtë për brand-in, të besueshëm, si dhe audiencën dhe angazhimet që sjellin platformat e “content discovery”…