Marketingu i kontentit – Cilësia përballë sasisë

Le ta pranojmë – ka ditë në të cilat kreativiteti është në kuota të dobëta, e do të kërkonit justifikime për të bërë çdo gjë që ju del përpara, përveçse të uleshit për të përgatitur një kontent për në mediat sociale apo uebsajt-in tuaj. Pas së gjithash, nëse nuk krijoni dot një kontent cilësor, përse ta krijoni?

Nëse do të vendosni që gjithsesi të qëndroni besnik në krijimin e marketingut të kontentit, atëherë është e sigurt që do të kompensoheni, apo shpërbleheni, megjithatë, kjo mund të kërkojë një ndryshim të mendësisë. Ka disa principe që duhet t’i bindeni, të panegociueshme, e disa të tjera “të lezetshme”, të negociueshme, që mund t’i përmirësoni gjatë rrugëtimit tuaj.

Së pari, tre elementet e panegociueshme:

  • Çfarëdolloj gjëje që do të shkruani duhet të ketë një kuptim, e preferencialisht një që të jetë në të njejtën familje vlerash të biznesit tuaj. Kjo është diçka specifikisht e rëndësishme në marketingun B2B dhe specifikisht marketingun e kontentit online.
  • Edhe pse e vështirë për t’u eleminuar, mbajini gabime drejtëshkrimore në minimunin e tyre. Njerëzit kanë tendencën të bëhen të “shkujdesur” kur shkruajnë për mediat sociale, por lexuesve nuk ju shpëton kjo, e kur ju tregoheni të pavëmendshëm ndaj detajeve, njerëzit krijojnë një përshtypje të përgjithshme për paaftësinë tuaj.
  • Vendosni një minimum targeti për mundin që do vendosni në lojë për prodhimin e një kontenti të marketingut online. Kontenti kyç kur bëhet fjala për kontent “të freskët” është “të freskët”. Mos harroni se një rrymë nuk është e nevojshme të jetë përrua – edhe një trik do ta bënte, nëse është i ri dhe interesant. Por mos ndaloni së rrjedhuri, së përparuari, pa marrë parasysh se çfarë.

Së dyti, tre elementet e negociueshme:

  • Cilësia e kopjes suaj – kjo është një pengesë e madhe për t’u kapërcyer. Shumë njerëz të fushës së biznesit acarohen për çdo fjalë të artikullit, postimi në blog, apo shpërndarje. Fakti është që edhe një vëmendje ekstreme për cilësi mundet të sjellë më shumë dëme se sa fitime. Ky është një shembull që edhe perfeksioni mund të jetë armik i së mirës. Pra shkruani një artikull të mirë dhe publikojeni shpejt.
  • Gjatësia e kopjes – edhe pse ka disa linja standarte për tekstin ideal (800-1000 fjalë për në blog), këto janë sygjerime, jo rregulla fikse. Një pjesë e konsiderueshme e blogjeve të suksesshme kanë deri në 200  fjalë në artikull, ndërsa të tjera kanë më shumë se 1000 fjalë, si dhe gjithçka në mes. Siç thotë Voltaire, “Sekreti i të qënurit bezdisës është të thënurit e gjithçkaje”. Kështu që rezistojini tundimit tuaj për të treguar gjithçka dhe lini diçka edhe për imagjinatën e lexuesit. Shkruani aq sa të mendoni se është e arsyeshme e më pas shkëputuni nga tastiera, apo “pena”.
  • Kush e shkruan kopjen – jo të gjitha postimet duhet të vijnë nga CEO, nga presidenti, marketingu apo përgjegjësi i produktit. Mund të jetë edhe dikush tjetër nga organizata së cilit i pëlqen të shkruajë, e që do të jetë i lumtur të suportojë kauzën e kompanisë. Në fakt, disa autorë demostrojnë se një kompani ka energji dhe kompetenca edhe përtej
    “suitave ekzekutive”.

Adaptuar nga customerthink.com