Reviews, ose komentet e lëna nga klientët për “shijen” që i ka lënë biznesi suaj, janë ingredienti kryesor i suksesit për një biznes online. Njerëzit janë më të predispozuar t’i besojnë të tjerë njerëzve, se sa brand-it; janë rritur në një botë të bombarduar nga reklamat dhe e dinë që bizneset kanë për qëllim të shesin diçka, në një mënyrë apo një tjetër. Review-të e klientëve, nga ana tjetër, duket se japin përshtypjen e një gjëje të sinqertë e të pastër mbi vizionin e brand-it dhe produktin për të cilin po komentojnë.
Në fakt, një sërë kompanish kanë filluar të kenë prioritet review-të e e klientëve të lëna në uebsajt-in e tyre, si një opsion për të tërhequr më shumë klientë dhe për të rritur reputacionin e brand-it – por kjo strategji, nuk ka një sukses të garantuar.
Si të veçoni review-të e klientëve
Ka një sërë metodash të ndryshme për të bashkangjitur review-të e klientëve në uebsajt-in tuaj. Këtu mund të përfshini review-të individuale për produkte të ndryshme, ngjitur me faqen specifike ku shfaqet produkti, siç bën Amazon. Ose, ju mund të krijoni një faqe unike dedikuar review-ve të klientëve, siç bën Bombshell Sportswear.
Në të dyja rastet, ka disa praktika që duhet t’i ndiqni për të pasur sukses:
- Sigurohuni që të jenë të dukshme. Kjo në fakt është evidente, megjithatë review-të e shumë kompanive janë të vështira për t’u gjetur, ose lihen në fund të faqes. Nëse dëshironi që njerëzit t’i vënë re review-të, mos i vini në pozitën që t’ju duhet të kërkojnë shumë për t’i gjetur ato. Është okej t’i përfshini review-të bashkangjitur me informacionet e detajuara të produktit, por sigurohuni që të spikaten mjaftueshëm nga një vizitor normal i uebsajt-it tuaj. Po ashtu, për të tërhequr vëmendjen mund të përdorni grafikë të dukshëm.
- Përfshini edhe cilësinë edhe sasinë. Review-të më të mira përfshijnë edhe elementë sasiorë, edhe elementë cilësorë; sasia do t’ju japë njerëzve përshtypjen e vlerësimeve të larta për kompaninë dhe shërbimet e saj, ndërsa elementi cilësor, ju ofron atyre më shumë detaje. Shumica e kompanive ditët e sotshme, i lejojnë klientët të japin një vlerësim nga 1-10, ose diçka të ngjashme, për aq kohë sa të jetë konsistente. Ndër të tjera, sigurohuni që t’i stimuloni klientët tuaj që të lënë review (komente); në shumicën e rasteve, vetëm një numër nuk është i mjaftueshëm.
- Evitoni review-të fallco. Gjatë përpjekjes për të rritur në mënyrë fallco yjet në review-të e produkteve, ose për të rritur “listën e gjatë” të komenteve nga klientët, shumë marka kanë paguar qëllimisht review fake – të cilat janë palë të treta që tentojnë “të ndihmojnë”, e që mund të shkruajnë edhe komentet brenda review-ve. Në të dyja rastet, këto review janë pozitive por të pasinqerta – dhe shumica e klientëve janë në gjendje për të kuptuar diferencën. Është gjithmonë më mirë të lejoni komente që rrjedhin në mënyrë të natyrshme, edhe nëse jo gjithmonë janë lajkatare.
- Mbani edhe review-të pozitive edhe ato negative. Mund të tundoheni për të fshirë review-të negative ose për t’i fshehur, për të mbajtur në uebsajt vetëm ato pozitive. Megjithatë, në të gjitha rastet kjo është një ide e keqe. Zërat negativë me siguri që do të gjejnë një mënyrë tjetër për të shpërndarë opinionin e tyre, e nëse ju “zënë mat” duke fshirë komentet negative, ju do të humbisni besimin e klientëve tuaj. Përveç kësaj, kur një klient zbulon që një produkt ka vetëm review pozitive, ai mund të bëhet skeptik gjithsesi; në ndonjë mënyrë, review-të negative shërbejnë për të ndihmuar klientët të qëndrojnë në pritshmëritë e duhura mbi një produkt të caktuar.
- Lejoni klientët të rivlerësojnë review-të e bëra. Po ashtu, është ide e mirë të krijoni një mekanizëm i cili i lejon klientët të vlerësojnë komentet e lëna nga njëri – tjetri. Për shembull, ju mund të ofroni një buton i cili i lejon përdoruesit të klikojnë nëse i kanë gjetur review-të të dobishme, ose të padobishme, duke i lejuar ata të vlerësojnë komentet e shkruara, apo për të hedhur poshtë ato mashtruese. Kjoështë një mënyrë ideale për të renditur preferencialisht vlerësimet më të dobishme.
- Bëjeni të thjeshtë ripostimin e review-ve për të tjerët. Review-të e klientëve bëhen më të vlefshme kur mblidhni shumë prej tyre. Në fakt, është një ide e mirë për ta bërë të thjeshtë për klientët të ripostojnë review-të. Jepini atyre shumë opsione për të shkruajtur dhe postuar një review, në fusha të shumta, për shembull, ju mund të keni një “draft review”, me review-të aktuale të klientëve dhe gjithashtu t’ju dërgoni email klientëe pas blerjes më të re, për të lënë një review edhe për të.
- Mësoni nga review-të pozitive dhe ato negative. Review-të nuk janë thjesht për klientët e tjerë, për t’i nxitur ata të blejnë, por edhe për vetë ju. Kushtojini vëmendje si komenteve pozitive ashtu edhe atyre negative, në mënyrë që të rriteni.
Perfeksiononi qasjen tuaj!
Mbase nuk do të keni formulën e përsosur për review-të e klientëve që në fillimet tuaja, kur të nisni përpjekjen për t’i përfshirë ato. Përkundrazi, bëhuni gati që të keni shumë pak komente përgjatë rrugës që do të mësoni më shumë për procesin që keni nisur. Përdorni “AB testing” për të eksperimentuar me pamje të “layouts” të ndryshëm, për të parë se cili sjell më shumë angazhime nga audienca. Për aq kohë sa të vazhdoni të eksperimentoni dhe të përshtateni, është e sigurtë që do të gjeni formulën që funksionon më së miri për nevojat tuaja!
