Opinionet e klientëve tuaj janë me rëndësi – ato të tregojnë se çfarë pëlqehet më shumë nga biznesi juaj, si dhe cilat janë fushat në të cilat duhet të përmirësoheni. Pra, të mblidhni feedback-e është mëse e nevojshme nëse dëshironi të ruani klientët dhe të rrisni biznesin tuaj.
Shumë nga klientët tuaj nuk do t’ju telefonojnë apo t’ju dërgojnë email për të ndarë mendimin e tyre me ju. Por, një pjesë e madhe e tyre ama, do të përdorin platforma si Facebook apo Instagram, Twitter për të dhënë opinionin e tyre. Në këtë rast, ju keni “luksin” të zgjidhni se çfarë ju duhet ta përdorni në avantazhin tuaj.
Bëni pyetje dhe monitoroni komentet
Një nga mënyrat më të thjeshta për të mbledhur të dhëna mbi feedback-et e klientëve në mediat sociale është thjeshtë duke bërë pyetje për ndjekësit tuaj. Njerëzit ndihen mirë kur japin mendimin e tyre mbi gjërat, ndaj pjesa më e madhe e ndjekësve tuaj do të jenë të gatshëm për t’u përgjigjur.
Pra, është mëse e qartë që duhet të krijoni një status apo një sondazh për t’i drejtuar pyetje audiencës suaj. Ju mund t’i pyesni ndjekësit tuaj për cilësinë e preferuar të produktit tuaj, apo atë cilësi që ata do të preferonin por që mungon, në çfarë ngjyre do ta preferonin produktin që ju po ofroni, çfarë mendimi kanë për shërbimin e klientit, ejt. Cilado qoftë pyetja, në shumë pak sekonda, ju duhet të merrni me dhjetëra komente. Monitoroni këto komente dhe mbani shënime mbi atë që njerëzit po thonë, në mënyrë që opinionet e tyre t’i merrni në konsideratë. Është e rëndësishme t’i vini në jetë feedback-et e klientëve tuaj – kjo do t’i bëjë ata të ndihen të vlerësuar dhe me shumë gjasa të japin sërish opinionin e tyre, në momentin tjetër që do t’i pyesni.
Krijoni sondazhe dhe mbikqyrini
Përpos krijimit të statuseve me pyetje për klientët mbi atë që mendojnë, shumë platforma sociale krijojnë sondazhe dhe mbikqyrin karakteristikat e sondazhit, për t’i studiuar dhe analizuar në një moment të dytë. Për shembull, ju mund të krijoni sondazhe në Facebook, Tëitter, Instagram Stories. Sondazhet në mediat sociale i japin mundësinë ndjekësve të ndajnë opinionin e tyre mbi biznesin, në një mënyrë më zbavitëse, në vend që ta bëjnë këtë thjesht duke komentuar.
Nëse vendosni ta bëni këtë në uebsajt-in tuaj, ju mund të merrni më shumë ndjekës në mediat sociale, duke i dhënë share linkut me pyetjen apo sondazhin përkatës. Në Facebook apo Instagram ju mund të bëni një sondazh me vetëm një pyetje. Por, duke krijuar një studim në uebsajt-in tuaj dhe duke e ndarë linkun në mediat sociale, ju mund të merrni feedback nga konsumatorët tuaj për shumë tema, në të njejtën kohë.
Përdorni Facebook Messenger Chatbot
Në epokën që po jetojmë, shumë klientë presin që të mund të lidhen me një biznes 24/7, si me kontakte si me shërbimin e klientit. Kjo është arsyeja pse shumë biznese ofrojnë shërbimin e klientit nëpërmjet mediave sociale. Meqënëse është e pamundur të jenë në dispozicion 24/7 për t’ju përgjigjur pyetjeve, kompanitë përdorin “Facebook Messenger Chatbots”, për t’ju përgjigjur pyetjeve të klientëve. Përpos ofrimit të shërbimit të klientit, një “Facebook Messenger Chatbot” mund të përdoret edhe për të mbledhur të dhëna nga feedback i klientëve.
Kur konsumatorët chat-ojnë me ju nëpërmjet “Facebook Messenger Chatbot” për problemet që ata po hasin, ju mund të grumbulloni informacion për të kuptuar se cilat janë fushat e dobëta të biznesit tuaj. Ju mund të përdorni këtë mënyrë edhe për t’ju drejtuar pyetje studimore klientëve tuaj. Për shembull, bizneset eCommerce që shesin produkte në rang të gjerë mund të kuptojnë se cilat janë produktet më të preferuara.
Përpos të tjerave, përdorimi i “Facebook Messenger Chatbot” nuk do t’ju ndihmojë vetëm të grumbulloni feedback me vlerë, por po ashtu që të keni një marrëdhënie më të fortë me klientët tuaj. Sipas të dhënave statistikore, të pasurit mundësinë për të komunikuar me një biznes, i bën njerëzit të ndihen më pozitivë në lidhje me biznesin – 63% e të anketuarve janë shprehur në këtë mënyrë. Nga ana tjetër, 59% e tyre kanë thënë se ndjejnë se biznesi është i interesuar për ta, ndërsa 55% thonë se nëpërmjet chat-imit me kompaninë, kanë më shumë predispozita t’i besojnë asaj.
Përdorni opsionet audio të mediave sociale
Gjejeni çfarë? Ju nuk jeni të limituar vetëm në biseda që përfshijnë bashkëbisedime apo interaktivitet nëpërmjet komenteve. Nëpërmjet opsioneve të rrjeteve sociale ju mund të zbuloni se çfarë janë duke thënë njerëzit për kompaninë tuaj në mediat sociale – edhe atëherë që nuk janë duke ju ndjekur. Ju mund të merrni feedback-un e klientëve tuaj edhe atëherë kur ata nuk po jua dërgojnë feedback-un në mënyrë direkte.
Platformat “listening” si Hootsuite, Buffer, Sprout Social, si dhe të tjera, ju lejojnë të selektoni emrin e brand-it nga të gjitha platformat ku është përmendur. Për shembull, nëse një klient bën një tëeet për biznesin tuaj, pa ju bërë tag në të, platforma sociale e dëgjimit do ta gjejë për ju, në mënyrë që ju ta dëgjoni se çfarë janë duke thënë njerëzit për kompaninë tuaj. Përpos faktit që arrin të kapë rastet kur përmendet emri i kompanisë suaj, me shumë platforma të dëgjimit ju mund të bini në gjurmët e konsumatorëve që përmendin fjalë kyçe të brandit tuaj. Për shembull, nëse kompania juaj ka një produkt specifik që quhet “The 365 Visualizer”, platforma sociale e dëgjimit mund të veçojë momentet që këto fjalë kyçe përmenden.
Mbani mend se në momentin që do të grumbulloni këto të dhëna nga mediat sociale, mbetet në duart tuaja t’i përdorni këto feedback-e në avantazhin tuaj. Në momentin që kujdeseni për opinionet e klientëve dhe i vendosni ato në zbatim, do t’i tregojë klientëve që ata janë të rëndësishëm për ju, e kjo do t’ju ndihmojë të rriteni si biznes!
Adaptuar nga customerthink.com
