10 statistikat rreth mediave sociale që duhet ti dini përgjatë vitit 2020

Mediat sociale kanë ndryshuar mënyrën se si ne jetojmë jetën tonë. Nga mënyra se si ne informohemi deri në mënyrën se si ne bashkëveprojmë me të afërmit tanë. Që nga viti 2004, mediat sociale janë rritur në mënyrë eksponenciale dhe vazhdojnë të rriten akoma më shumë. Nuk ka asnjë dyshim që platformat e mediave sociale janë tashmë një burim kryesor informimi. Platformat e mediave sociale janë unike në mënyrën e bashkëveprimit me klientët. Jo vetëm që ata ofrojnë një platformë që përdoruesit të komunikojnë përtej kufijve lokal dhe social, por ato gjithashtu ofrojnë mundësi të panumërta për të shkëmbyer përmbajtje të krijuara nga përdoruesi, si foto dhe video.

Por pyetja është, a ja vlen të investosh në mediat sociale për biznesin tënd? A duhet që marketingu në rrjetet sociale të jetë një zonë fokusi për strategjinë tuaj të marketingut në vitin 2020? Përgjigja varet nga klientët tuaj, por në asnjë mënyrë nuk duhet të injorohet marketingu në rrjetet sociale. Secila platformë ka një audiencë unike.

Ndërsa jemi në tre muajt e parë të vitit, ne menduam që do të ishte një ide e shkëlqyer për të ndarë statistikat më të rëndësishme të mediave sociale për vitin 2020. Le të hedhim një vështrim në statistikat më të rëndësishme rreth rrjeteve sociale për vitin 2020 dhe të mësojmë se si ato mund të ndihmojnë në marketingun e brandit tuaj.

1. Sa njerëz përdorin mediat sociale?

Përdorimi i mediave sociale në të gjithë botën është gjithnjë e në rritje. Pa dyshim një nga aktivitetet më të njohura në internet në të cilat përfshihen përdoruesit është navigimi në rrjetet sociale. Statistikat e mediave sociale nga viti 2019 tregojnë se ka 3.5 miliardë përdorues të mediave sociale në të gjithë botën dhe ky numër vazhdon të rritet. Kjo barazohet me rreth 45% të popullsisë aktuale (Emarsys, 2019)

2. Facebook është drejtuesi i tregut

Facebook ka formuar imazhin e rrjeteve sociale që prej fillimit të tij dhe vazhdimisht po evoluon për të përmbushur nevojat e përdoruesve të tij. Me mbi 2.32 miliardë përdorues aktivë mujorë, Facebook mbetet platforma më e përdorur gjerësisht në median sociale. Përdoruesit aktivë janë ata që kanë hyrë në Facebook gjatë 30 ditëve të fundit. Afërsisht dy të tretat e të rriturve amerikanë (68%) tani raportojnë se janë përdorues të Facebook (Pewinternet, 2018).

Është interesante që Facebook ishte gjithashtu rrjeti i parë ndonjëherë social që tejkaloi një miliard përdorues aktivë, duke arritur këtë moment historik në tremujorin e tretë të 2012. Duke mbajtur parasysh këtë, duhet të dini se si mund të bëni më të mirën nga burimet tuaja. Ndërsa Facebook aktualisht mban pozicionin e shërbimit më të madh të rrjeteve sociale bazuar në shtrirjen globale dhe përdoruesit aktivë gjithsej, është e rëndësishme të dini se si përmbajtja juaj mund të performojë potencialisht dhe si mund të zgjedhni arritjen tuaj të paguar dhe organike. Nëse jeni duke menduar të postoni në Facebook sigurohuni që jeni të informuar se si funksionon algoritmi i tyre në mënyrë që të arrini audiencën tuaj më të mirë.

3. Përdorimi ditor nga gjenerata të ndryshme


Përdorimi i rrjeteve sociale është zbërthyer nga E-marketer dhe rezultatet sipas brezave janë tepër interesante. Për ta zbërthyer atë, 90.4% e Millennials, 77.5% e Generation X dhe 48.2% e Baby Boomers janë përdorues aktivë të mediave sociale (Emarketer, 2019).

Millennals vazhdojnë të jenë gjenerata me përdorimin më të lartë të mediave sociale, dhe gjithashtu aksesuesit më i gjerë të smartphonëve. Gjenerata X, nga ana tjetër, ka më shumë të ngjarë të përdorin tableta. Së fundmi, Baby Boomers gjithashtu po tejkalojnë hendekun e tyre me teknologjinë dhe po bëhen gjithnjë e më shumë të njohur me platformat e rrjeteve sociale. Të kuptuarit e kësaj statistike të mediave sociale do tju ndihmojë në përcaktimin se cila platformë mund të jetë më e përshtatshme kur bëhet marketing në tregun tuaj të synuar.

4. Sa kohë kalojnë njerëzit në rrjetet sociale?

Në këtë kohë të gjithë jemi ngadalë duke u bërë varës të rrjeteve sociale. Mediat sociale janë bërë të pashmangshme. Kjo statistikë rreth rrjeteve sociale zbulon se mesatarisht 3 orë shpenzohen mesatarisht në ditë për person në rrjete sociale. (Globalwebindex, 2019).Ndërsa mediat sociale po bëhen gjithnjë e më intriguese në jetën tonë të përditshme, ato zbulojnë mundësi të panumërta për bizneset që po kërkojnë të arrijnë audiencën e tyre përmes marketingut në rrjetet sociale.

5. Marketingu në rrjetet sociale

Brandet e ndryshme kanë përqafuar tashmë marketingun në mediat sociale. 73% e marketerëve besojnë se rezultatet e tyre përmes marketingut në rrjetet sociale kanë qenë “efektive” ose “shumë efektive” për biznesin e tyre (Buffer, 2019). Bizneset po vazhdojnë të përfshijnë media sociale në strategjinë e tyre të marketingut. Pavarësisht nëse është marketing i influencerave ose reklama të thjeshta, ata po i provojnë të gjitha. Rrjetet sociale lejojnë bizneset të hyjnë në marketing me kosto efektive, të bashkëveprojnë me audiencën e tyre dhe të ndërtojnë besnikërinë ndaj brandit. Por është e vështirë të matësh ndikimin e saktë në rrjetet sociale, pasi çdo platformë e rrjeteve sociale mat aktivitetin ndryshe.

6. Klientët përdorin mediat sociale

Rrjetet sociale po rriten për sa i përket mundësive dhe ndikimit që ata kanë tek konsumatorët. Kjo statistikë tregon pikërisht këtë. 54% e naviguesve në internet përdorin rrjetet sociale për të kërkuar mbi produktet që ata duan(GlobalWebIndex, 2018).

Më shumë blerës po bashkohen në rrjetet sociale dhe po kërkojnë vlerësime apo rekomandime. Kjo është arsyeja pse është thelbësore të kesh një prani të spikatur në internet në platforma të ndryshme të rrjeteve sociale. Arsyeja kryesore është të zbuloni se cila platformë e mediave sociale përdor tregu juaj i synuar më shpesh dhe si ta shfrytëzoni atë sa më shumë.

7. Ndikimi i përvojave pozitive të klientëve

Nga kjo statistikë kuptojmë që marketingu në rrjetet sociale është thelbësor për biznesin tuaj. Një nga mënyrat me të cilat mund të përfitojë biznesi juaj nga marketingu në rrjetet sociale është ofrimi i shërbimit më të mirë të mundshëm të klientët. Ideja këtu është të menaxhoni praninë tuaj në internet dhe të siguroheni që të mbani kontakte me audiencën tuaj përmes platformave të rrjeteve sociale. Kjo përfshin përgjigjen ndaj komenteve dhe mesazheve.

71% e konsumatorëve që kanë pasur një përvojë pozitive me një markë në rrjetet sociale ka të ngjarë ta rekomandojnë markën te miqtë dhe familjarët e tyre (Lyfemarketing, 2018). Duke bashkëvepruar me klientët përmes platformave të rrjeteve sociale, ju u tregoni atyre që ju interesojnë. Ky hap mund të kalojë një rrugë të gjatë në ndërtimin e marrëdhënieve pozitive me klientët. Pra, mos i injoroni ndjekësit tuaj dhe përpiquni t’i riktheheni atyre përgjigje në kohën e duhur.

8. Influencerat ndihmojnë në ndërtimin e besimit tek një brand

Marketingu i influencës tani po përjeton një rritje të madhe. Bizneset po kthehen gjithnjë e më shumë në platformat e rrjeteve sociale për marketingun e tyre. 49% e konsumatorëve pretendojnë se ata varen nga rekomandimet e influencerave në rrjetet sociale për të marrë vendimin e tyre për të blerjes (Fourcommunications, 2018).

Kjo do të thotë që nëse konsumatorët ndjehen të sigurt në rekomandimin e një influencuesi, ata do të kenë më shumë të ngjarë të blejnë produktin. Kjo statistikë e rrjeteve sociale e bën më të qartë se si brandet mund të ndikojnë në fuqinë e influencerave për t’iu drejtuar klientët e tyre.

9. Përdorimi i Instagram Story

Story-t janë tepër të përdorur në Instagram. Ata ju lejojnë të ndani momentet e ditës tuaj, pa i ruajtur ato në profilin tuaj. Statistikat e mësipërme të rrjeteve sociale na tregojnë numrin e përdoruesve të përditshëm aktivë të Stories në Instagram, i cili është rritur nga 150 milion në janar 2017 në 500 milion në janar 2019 (Statista, 2019).

10. Përdoruesit e rrjeteve sociale përmes celularit

Kërkesa për përshtatje të platformave të ndryshme në format mobile po rritet me shpejtësi. 91% e të gjithë përdoruesve të rrjeteve sociale i aksesojnë ato përmes pajisjeve mobile. Po kështu, pothuajse 80% e kohës totale të shpenzuar në faqet e rrjeteve sociale ndodh në platformat mobile (Lyfemarketing, 2018). Smartphonët dhe rrjetet sociale po evoluojnë krah për krah, dhe brandi juaj duhet të sigurohet që të përshtatet sa më shpejt.

Siç mund ta shihni nga këto statistika të marketingut në rrjetet sociale, platforma të ndryshme mund të shërbejnë për qëllime të ndryshme. Ju do të duhet të jeni gjykatësi i sëcilës platformë për të gjetur më të përshtatshmen për audiencen tuaj të synuar. Përdorni këto statistika të mediave sociale për të marrë njohuri më të mira në botën e rrjeteve sociale dhe kuptoni se si mund të maksimizoni rezultatet tuaja duke përdorur këto mjete.

Adaptuar nga Oberlo.com

December 6, 2019

Bazuar në trendet e marketingut dixhital për vitin 2020, ja 6 pika se si mund të përmirësoni marketingun tuaj në muajt në vazhdim:

April 8, 2020

Të tilla kohëra shërbejnë për të na rikujtuar se gjithçka mund të ndryshojë me një kërcitje gishtash.

April 7, 2020

Reklamat native po dominojnë faqet e para të mediave online dhe titujt kryesorë në uebsajt-et e besueshme dhe serioze. Pse?

April 6, 2020

Situatat e jashtëzakonshme, ose le ta themi ndryshe krizat, janë një mundësi fantastike për të bërë një hap pas e për të monitoruar me vëmendje sjellje të ndryshme njerëzore, profesionale, sociale, politike, kulturore, etj.

April 3, 2020

Të gjithë i kemi sytë e kthyer nga lajmet dhe njoftimet më të fundit në lidhje me shpërthimin e pandemisë së koronavirusit.

April 1, 2020

Marketierët e gjejnë veten të mbingarkuar e të mbingopur me sasinë e platformave sociale, botuesit e përmbajtjeve dhe opsionet për të zgjedhur, saqë shpesh bëhen e vështirë.

March 30, 2020

Edhe pse viteve të fundit, trendi i “suksesit” të reklamave native është rritës, ajo që duhet të dini është se në fakt, ato e kanë zanafillën dekada më parë.

March 25, 2020

Deri tani të gjithë janë të vetëdijshëm mbi situatën, mbi rëndësinë e ruajtjes së distancës dhe larjes së duarve dhe ne do t’jua lëmë në dorë ekspertëve të shëndetit këto çështje kritike.

March 24, 2020

Me 86% të klientëve të gatshëm për të paguar ekstra për të kaluar një eksperiencë cilësore (si klient), bizneset sot po përballen me një zgjedhje.

March 23, 2020

Gama e gjerë e ndjekësve dhe “followers-at” aktivë janë arma më e fortë e strategjisë suaj të marketingut dixhital. Mediat sociale janë “mbingarkuar” nga përdorues dhe kontent të gjeneruar po nga përdoruesit.

March 19, 2020

Përveç adoptimit të softuerit të “easy to use CRM”, a jeni në dijeni të vështirësive që kalon ekipi juaj i shitjeve?