Këshilla për kompanitë që duan të kthejnë të dhënat e tyre në kontent

Një strategji fitimprurëse është ajo e kthimit të të dhënave të brendshme në material me vlerë për skuadrat e marketing dhe PR. Kjo strategji është shpërblyese për shtypin, kompaninë tuaj, si dhe konsumatorët që shuajnë kuriozitetin rreth një aspekt të punës suaj. Ne folëm për disa prej praktikave më të mira të përdorura nga CarGurus, GrubHub etj. Siç pamë, aspektet e tyre pozitive janë të panumërta.

Gati për të ndarë të dhënat tuaja? Ja disa këshilla për kompanitë që kërkojnë të kthejnë të dhënat e tyra në kontent:

Tregoni respekt për kohën e lexuesve

Athenahealth e konsideron afatgjatë strategjinë e të dhënave si kontent. Për ta, nuk është thjesht një përpjekje për të krijuar trafik. Duke publikuar të dhënat e veta, ato krijojnë një besueshmëri ndaj markës. Qoftë për shtypin, qoftë për një klient të mundshëm, të dhënat duhet të jenë të vlefshme. Ata duhet të ndihen më të informuar pas leximit, jo sikur ju thjesht u përpoqët ti shisnit produktin tuaj. Kjo perspektivë i lejon kontentit kohën për të marrë mjaftueshëm vëmendje për të arritur qëllimet e biznesit. Kur krijoni kontent me vlerë, klientët do ju besojnë dhe ju zgjedhin.

Bashkëpunoni

Kombinoni të dhënat tuaja me biznese të tjera. Duke bërë bashkë disa burime të dhënash mund të krijoni interpretime interesante. Për shembull, GrubHub kombinon të dhënat me Zocdoc. Ata kanë treguar se njerëzit hanë më shumë supë kur janë sëmurë. Bashkëpunimet mund të lejojnë markën tuaj të lidhet me audienca jashtë zonës së saj demografike. Gjithashtu, mund t’ju vijnë dhe ide ose ftesa për partneritete të ardhshme.

laptop computer on glass-top table Photo by Carlos Muza on Unsplash

Bëni të qartë kontekstin (dhe bëjeni interesant)

Sigurohuni të jepni kontekst të mjaftueshëm rreth rëndësisë së të dhënave. Ju nuk duhet të shpërndani numra pa kuptim. Në momentin që procesi i kërkimit mbaron, skuadra juaj marketing mund të fillojë të transformojë rezultatet. Kontenti duhet të jetë interesant dhe ti prezantojë audiencës suaj fakte në një mënyrë unike. Ndoshta ju nuk keni nevojë të dini kontekstin, por nëse klientët tuaj nuk janë të fushës, për ta konteksti është shumë i rëndësishëm.

Përveç të rejave rreth fushës suaj, disa opsione që ju mund të konsideroni janë:

  • infografikët
  • rastet e studimit (case studies)
  • seri postimesh në blog.

Jepini kohën e duhur kësaj strategjie

Marketingu i kontentit është ende një fushë e re e marketingut, për botën e sidomos për Shqipërinë. Ai mund të ketë një kthim investimi (ROI) më të vonuar në kohë, por kjo nuk do të thotë që ju duhet të demoralizoheni. Përdorimi i të dhënave të brendshme është një mënyrë interesante, pa shumë kosto për të krijuar kontent origjinal.

Si shumë kompani, ju mund të hasni vështirësi në gjetjen e historive që kapin shtypin derisa diçka e re ndodh, për shembull prezantimi i një produkti të ri. Publikimi i të dhënave ju lejon të jeni autor aktiv në tregimin e historisë së markës suaj. Duke zbuluar vazhdimisht gjetje të reja, ju gjeneroni ndërgjegjësim më të madh rreth industrisë suaj. Kjo ndihmon që audienca të krijojë një lidhje më të fortë me biznesin tuaj.

Adaptuar nga Outbrain.

October 5, 2019

Pavarësisht trendeve, disa forma reklamimi janë të konsoliduara në treg dhe nuk zhgënjejnë asnjëherë. Mësoni për 5 prej tyre.

October 4, 2019

Duke mësuar ndryshimet dhe ngjashmëritë e tyre, ju mund ti ofroni një shërbim më të mirë klientëve tuaj.

October 3, 2019

Lexoni këtë artikull nëse ende nuk jeni të bindur për fuqinë e kontentit.

October 2, 2019

I ndiqni këto praktika të domosdosshme për të pasur sukses me fushatat?

October 1, 2019

80% e kohës së një marketieri duhet shpenzuar duke shpërndarë kontentin.

September 30, 2019

Reklamat native janë risia më e madhe e marketingut dixhital. Por si ka nisur dhe si ka përparuar trendi nativ gjatë viteve?

September 27, 2019

CEO, liderë dhe specialistë të fushës tregojnë sekretet dhe çfarë kanë mësuar gjatë karrierës.

September 26, 2019

Audienca juaj do e ketë të pamundur mos të klikojë për të lexuar më shumë.

September 25, 2019

I kishit hasur më parë këto fakte interesante?

September 24, 2019

SEO është një nga mënyrat më të sigurta për të sjellë vizitorë të rinj në faqen dhe në dyqanin tuaj.