Suksesi i reklamave native ndër vite

Reklamat native janë një nga risitë më të mëdha të marketingut dixhital. Ato janë një mënyrë ndryshe e shtimit të klientëve për bizneset dhe monetizimit të platformave për publikuesit. Ato përputhen me pamjen e faqes dhe nuk ndërpresin navigimin. Kjo i bën shumë më të këndshme, por edhe më efektive sesa reklamat tradicionale. Por si ka nisur reklamimi nativ dhe si ka ecur trendi nativ gjatë viteve?

Investimet e bizneseve

Popullariteti i tyre është në rritje vitet e fundit. Është provuar statistikisht që reklamat native jo vetëm funksionojnë, por ndihmojnë biznesin me shitjet më mirë se reklamat e tjera dixhitale. Kjo shfaqet në numrat e mëposhtëm. Statistikat tregojnë shpenzimet e parashikuara të marketingut dixhital në Amerikë, nga 2018 në 2023.

trendi i reklamave native ne bote boost

Çfarë është e mirë për konsumatorët është e mirë për biznesin. Nëse përdoruesit ndjejnë se ata fitojnë diçka nga reklamat, ka më shumë shanse që të angazhohen dhe të klikojnë. Reklamat native kanë pasur një rritje të pabesueshme, 600% nga viti 2014 në 2016!¹

Vetëm në U.S.A. buxheti i shpenzuar gjatë 2018 për reklamat native arriti shifrën $35 miliardë, 60% e buxhetit të shpenzuar gjithsej për marketingun dixhital.² Reklamimi tradicional kushton më pak se ai nativ dhe ka qasje më agresive (hard sell), por reklamimi nativ është më angazhues. Prandaj ai ka pasur këtë sukses dhe pritet të vazhdojë me një rritje të ngjashme.

E ardhmja e reklamave native

Sipas Forbes, reklamat native janë e ardhmja e marketingut dixhital.³Para fundit të 2019 shpenzimet dhe investimet te reklamat native priten të arrijnë $44 miliardë, pra 65% të buxhetit të përgjithshëm. Ndërkohë, rreth 2025 pritet që shpenzimet në Amerikë të arrijnë shifrën $140 miliardë. Në botë kjo shifër pritet të arrijë $400 miliardë.

trendi i reklamave native ne bote boost

Pas leximit të një reklame native të cilësisë së lartë, konsumatorit i rritet niveli i besimit te kompania. Nëse ju mësoni nga ajo kompani, sigurisht që ju duket më e besueshme. Gjithashtu ka më shumë shanse të blini dhe të formoni pëlqyeshmërinë ndaj brand-it. Është e qartë se reklamimi nativ, pavarësisht se risi për Shqipërinë, është një trend vetëm në rritje në botë dhe një investim i sigurtë, si për bizneset si për publikuesit.