Hapat që duhet të ndiqni per të rritur CTR

CTR është numri i përdoruesve të cilët klikojnë një link kur shohin një faqe, marrin një email, shohin një reklamë etj. Përdoret për të matur suksesin e një fushate online, ku 0.35%-2% janë norma mesatare klikimi. Pra, është raporti i klikeve me shikimet. Nëse jeni në botën e marketingut, me siguri e keni hasur këtë term. CTR prek si suksesin e publikuesit, si të reklamuesit. Si mund të siguroheni që fushata juaj do arrijë një CTR të lartë?

Shkrim interesant

Testoni disa forma shkrimi dhe CTA-je. Në varësi të reklamës suaj dhe ku ajo do shfaqet, ju mund të keni një sasi të limituar teksti. Ky fakt nuk ka pse t’ju limitojë. Një titull tërheqës ofron më shumë klike, pasi i ngjall interesin një audience më të gjerë. Ndoshta familjariteti juaj me produktin nuk ju lejon të zgjidhni në mënyrë të saktë opsionet më të mira. Keni një koleg apo mik që nuk është tamam në fushën tuaj? Testoni me ta tituj ose përshkrime të ndryshme duke pasur në mend audiencën e dëshiruar.

Keywords

Fjalët kyçe të duhura rrisin CTR, pasi ofrojnë trafik më të targetuar. Kur përfshini fjalë që e dini që i interesojnë klientëve tuaj, ka më shumë shanse që ata të klikojnë. Nëse operoni në Durrës, përfshini këtë informacion në mënyrë që vizitorët t’ju zgjedhin ju. Përveçse për CTR, fjalët kyçe ndihmojnë dhe për SEO. Nëse jeni të vetmët që ofroni shërbime real estate specifikisht për të rinjtë, vendosini këto fjalë kyçe. Nuk është momenti për metafora (edhe pse ndonjëherë funksionojnë). Duhet të tregoheni sa më specifikë. Me përdorimin e fjalëve kyçe, ju tërhiqni persona të interesuar për shërbime si tuajat.

Imazhet

Imazhet cilësore dhe interesante janë një mënyrë e thjeshtë, por efektive për të rritur CTR. Mendojeni si për veten, nëse ju shihni një foto interesante, ju klikoni. Ne na pëlqejnë pamjet e bukura dhe na bëjnë të duam të dimë më shumë. Ju mund të punësoni një fotograf profesional dhe të krijoni një portofol fotosh të shërbimeve tuaja. Gjithashtu, ju mund të përdorni foto të gatshme nga interneti, nga Google apo Pixabay. Sigurohuni që të jenë formate të mëdha, në mënyrë që mos të ngjajnë të pikseluara apo me cilësi të dobët. Fotot duhet të përputhen me titullin dhe përmbajtjen. Por nëse një foto në dukje e çuditshme përputhet me kontentin tuaj, mund ta përdorni për të ngjallur kuriozitet.

Oferta

Kur ofroni diçka konkrete, e bëni të vështirë për lexuesit mos të klikojnë për të lexuar më shumë. Përfshini një kod promocional, një zbritje, një konsultë etj. Nëse teksti është i limituar mund të ofroni zbritje si 50% OFF, të përfshini fjalën falas/gratis etj. Kur ka një veprim të caktuar që duhet kryer, rritet shansi që vizitori të klikojë, pasi duan të mësojnë më shumë rreth veprimit e përfitimeve të asaj që ju ofroni.

Bëjeni të paharrueshme

Vëmendja e lexuesve është e limituar, ndërsa reklamat të pafundme. Në rrugë, në rrjete sociale, kudo, ne shohim reklama. Bëjeni sa më të paharrueshme fushatën tuaj. Qoftë me pamjen, mesazhin apo shërbimin që ofroni, përpiquni të jeni sa më të vështirë për tu harruar. Dikush mund mos të klikojë te reklama juaj herën e parë që e sheh, por herën e dytë (apo të tretë) mund të jenë kuriozë ose ti jetë krijuar nevoja për produktin tuaj dhe të klikojnë. Sa më i paharrueshëm brand-i juaj, aq më shumë shanse që një lexues t’ju mbajë mend, të klikojë dhe t’ju zgjedhë.

May 22, 2020

Më poshtë do të gjeni një listë me shtatë pika “evergreen” të cilat do tju ndihmojnë të krijoni më lehtë një përmbajtje të suksesshme.

May 4, 2020

Në këtë artikull, ne eksplorojmë shkencën që qëndron pas marketingut emocional dhe shikojmë shembujt kryesorë të markave që përdorin emocionin për të përcjellë një mesazh.

April 29, 2020

Në këtë artikull ne kemi veçuar 7 praktika për tju ndihmuar të rrisni audencën tuaj potenciale dhe të zotëroni suksesin e plotë të markës tuaj në fushën e ”shëndetit dhe mirëqenies” .

April 25, 2020

Më poshtë po rëndisim 6 këshilla të rëndësishme se si të rrisni angazhimin kur reklamoni me anë të rekamave native në Boost Discovery.

April 20, 2020

Reklamat native ofrojnë jo vetëm opsione por edhe mundësi të jeni krijues dhe paraqisni produktin tuaj në formën më të mirë.

April 8, 2020

Të tilla kohëra shërbejnë për të na rikujtuar se gjithçka mund të ndryshojë me një kërcitje gishtash.

April 7, 2020

Reklamat native po dominojnë faqet e para të mediave online dhe titujt kryesorë në uebsajt-et e besueshme dhe serioze. Pse?

April 1, 2020

Marketierët e gjejnë veten të mbingarkuar e të mbingopur me sasinë e platformave sociale, botuesit e përmbajtjeve dhe opsionet për të zgjedhur, saqë shpesh bëhen e vështirë.

March 30, 2020

Edhe pse viteve të fundit, trendi i “suksesit” të reklamave native është rritës, ajo që duhet të dini është se në fakt, ato e kanë zanafillën dekada më parë.

March 25, 2020

Deri tani të gjithë janë të vetëdijshëm mbi situatën, mbi rëndësinë e ruajtjes së distancës dhe larjes së duarve dhe ne do t’jua lëmë në dorë ekspertëve të shëndetit këto çështje kritike.