Specialistja jonë e marketingut i përgjigjet 7 pyetjeve: fushatat, bota e marketierëve dhe parashikimet për reklamimin

Marketingu është në qendër të asaj çka ne bëjmë. Duke bashkëpunuar me bizneset më të mira në Shqipëri, ne kemi perfeksionuar strategjitë e marketingut dhe kemi ideuar qindra fushata. Kjo nuk do qe e mundur pa specialisten tonë të marketingut dixhital, Redona Balliu. Ajo ka studiuar teknologji informacioni dhe ka ekspertizë në komunikimin dixhital. Lexoni më poshtë për këshillat e saj, parashikimet për të ardhmen e reklamimit dhe sipërmarrjen e saj më të re.

Aspekti yt it preferuar i të qënit në botën e marketingut?

Të bërit pjesë e kësaj bote nuk është diçka qe e kisha menduar më përpara, aspak. Kalimi nga teknologjia e informacionit në marketing ka qenë një kthesë e rastësishme për mua, por shumë e bukur dhe që më ka mësuar shumë. Edhe pse disi të ngjashëm, marketingu ndryshon shumë nga programimi.

Bota me të cilën jam njohur falë marketingut më ka zhvilluar tej mase aftësitë komunikuese. Gjithashtu kam zgjeruar botëkuptimin rreth bizneseve dhe aspekteve që i duhen një biznesi për të qenë vërtet i suksesshëm. Ka shumë varietet dhe nuk ndalon kurrë së mësuari, është një botë e bukur së cilës dua të vazhdoj ti përkushtohem.

Si specialiste e marketingut dixhital, në çfarë konsiston një ditë e zakonshme pune për ty?

Çdo ditë fillon me një filxhan kafeje, shikimin e reklamave (ads) aktive dhe ecurinë e tyre nga dita e mëparshme. Disa mund të mos performojnë mirë, prandaj optimizimi dhe ndryshimi i tyre janë pjesë të rëndësishme të punës. Shpesh, vetëm një ndryshim i vogël duhet për të rritur performancën.

Më pas kujdesem për prezencën sociale të Boost. Shoh kur duhen postime të reja, kërkoj rreth kurioziteteve interesante për audiencën. Sidomos pas daljes së platformës për native ads, informimi është tepër i rëndësishëm. Komunikimi i herëpashershëm me klientët është gjithashtu pjesë konstante e punës, sidomos kur lind nevoja për update. Pastaj vijojnë detyrat e përditshme në varësi të ditës, duke bashkëpunuar me kolegët për të krijuar kontent të bukur.

Pyetja që dëgjon më shpesh si specialiste marketingu nga personat jashtë fushës?

Thuajse gjithmonë prezantimi im si specialiste marketingu pasohet nga pyetja “Po çfarë bën?!” (qesh). Mënyra më e thjeshtë që kam gjetur për ta shpjeguar: “E ke parasysh atë sponsored aty sipër? Epo e bëj unë.” (qesh) Edhe ata që kanë informacion mendojnë se marketingu është i thjeshtë. Diçka që mund ta bëjnë të gjithë, që fillon dhe mbaron tek ai shkrimi “sponsored”. Realiteti është ndryshe. Unë kam dy vite që e ushtroj këtë profesion full-time, por si 80% e oqeaneve janë ende të pazbuluara, marketingu po ashtu është një botë shumë e madhe, vështirë të njihet e gjitha.

Nëse dikush dëshiron të bëhet marketier, çfarë do i këshilloje të mësonte?

Nëse po konsideroni të hyni apo jo në rrugën e marketingut, jua këshilloj plotësisht ta bëni. Eshtë një botë tërheqëse që të bën për vete. Përpos kësaj, këshilla ime do ishte të mos fokusoheni te gjërat bazike e të mirëqena, tek thjesht të postuarit diçka.

Kur nisni të bëni marketing, sidomos për kompanitë e tjera, duhet të njihni problematikat e tyre. Çfarë i mungon një biznesi? Më pas ta vendosni në praktikë duke nisur krijimin e strategjisë së atij klienti. Nuk mundet dhe nuk duhet thjesht të bëni një reklamë pa menduar çfarë i duhet biznesit konkretisht. Duhet filluar nga audienca, duhet të studioni biznesin, pastaj platformat dhe reklamat specifike. Shpesh ka një zgjidhje për çdo problem apo dëshirë të klientit, por gjithmonë duhet hulumtuar.

Po merresh me ndonjë projekt personal për momentin?

Në fakt pak ditë më parë më ka ardhur një ftesë nga një organizatë ndërkombëtare në botën e start up-eve. Unë kam marrë pjesë edhe më parë në sipërmarrje të tilla, si përfaqësuese e zonës nga vij. Ideja që do propozoj sërish lidhet me vendin tim. Bizneset e mira që mund të investojnë në marketing përgjithësisht punësojnë agjenci për ta bërë këtë. Ndërsa bizneset e vogla, sidomos në rrethe, nuk kanë resurset e nevojshme për këtë.

Shumë zonja e familje në rrethe kanë punime të bëra me dorë, e produkte të tjera tepër të veçanta. Fatkeqësisht pak veta kanë njohuri rreth ekzistencës së këtyre punimeve të çmuara. Shumë organizata i janë përkushtuar avancimit të ideve kreative dhe vendit tonë e veçantive të tij. Nëse do bëhem pjesë e kësaj nisme, do jem pjesë e një trajnimi 8-mujor, në fund të së cilit mund të kem start up-in tim dhe të ndihmoj në këtë aspekt.

Një mendësi që e aplikon shpesh në profesion?

Mund të përballem me një buxhet shumë të madh ose shumë të vogël. Për çfarëdo buxheti të bëhet fjalë, në fund të fushatave, klienti duhet të mbetet sa më i kënaqur. Këtë mendësi e kam pasur kudo që kam punuar. Një klient “VIP” apo një biznes i vogël, kjo nuk ka rëndësi, çdo klient meriton më të mirën. Sado e ngjeshur të jetë dita, nuk duhet anashkaluar asnjëherë procesi i optimizimit, edhe për kompanitë e vogla. Në fund të fundit ne jemi “Boost your business” (qesh).

Çfarë parashikon që do ndodhë në të ardhmen e marketingut?

Këto vite që unë kam qenë pjesë e botës së marketingut, ai ka avancuar jashtëzakonisht shumë. Duhet fokus për tu siguruar që po qëndron koherent, pasi çdo ditë ka të reja. Unë besoj se përderisa trafiku është rritur tej mase në përdorim si formë marketingu, së shpejti nuk do të ofrojë më të njëjtat konvertime dhe rezultate.

Bizneset do i drejtohen platformave dhe mënyrave të reja, që do jenë jo-bezdisëse për njerëzit. Si platforma jonë për shembull (qesh). Parashikimi im është se audiencat do duan të lexojnë dhe të informohen, jo sepse janë bezdisur, por sepse janë të interesuar për përmbajtjen. Bizneset duhet të sigurohen që do të ofrojnë këtë përmbajtje interesante.

April 3, 2020

Të gjithë i kemi sytë e kthyer nga lajmet dhe njoftimet më të fundit në lidhje me shpërthimin e pandemisë së koronavirusit.

March 13, 2020

Në çdo koorporatë, biznese të mëdha apo të vogla, struktura e ekipit të shitjes është i rëndësishëm si formohet dhe organizimi i punës mes pjestarëve të ekipit. Nëse deri më tani, struktura e grupit që kompania juaj ka përdorur ka ecur për mrekulli por ditët e fundit shitjet kanë filluar të kenë rënie, atëhere është […]

February 8, 2020

Marketierët parashikojnë se do të përdorin më shumë kontent të natyrave dhe formateve të ndryshme në vitin 2020, sipas studimit më të fundit të World Media Group.

January 18, 2020

Thonë që për të pasur sukses duhet të jesh gjithmonë një hap përpara dhe kjo është mëse e vërtetë, sidomos kur bëhet fjalë për ata që i përkasin botës së marketingut online.

December 27, 2019

Vëmendja e konsumatorëve është zhvendosur pothuajse “totalisht” drejt mediave dixhitale dhe është pikërisht ky orientim që po vë theksin çdo ditë e më shumë te reklamat native.

December 19, 2019

Edhe pse industria po adopton mjete dhe teknologji të reja, shumë kompani i qëndrojnë strikte rregullave të tyre të çdo viti.

October 11, 2019

Në muajin Ndërkombëtar të Kancerit të Gjirit, Boost i bashkohet thirrjes ndërgjegjësuese në mbështetje të çdo gruaje që po lufton fort.

October 1, 2019

80% e kohës së një marketieri duhet shpenzuar duke shpërndarë kontentin.

September 27, 2019

CEO, liderë dhe specialistë të fushës tregojnë sekretet dhe çfarë kanë mësuar gjatë karrierës.

September 26, 2019

Audienca juaj do e ketë të pamundur mos të klikojë për të lexuar më shumë.